Ердоған мен Трамп Сүрияға байланысты келісімге келді

1 870 просмотра

Түркия басшысы Режеп Тайып Ердоған мен АҚШ президенті Дональд Трамп Сүрия мәселесін талқылады. Ақпан айының 21-і күні Ердоған мен Трамп тедефон арқылы сөйлесіп, Сүрия мәселесі мен аймақтан АҚШ әскерін шығару жөнінде пікір алмасқан.

Келіссөз барысында қос тарап Сүрия мәселесін бірлесіп шешуге және аймақтан АҚШ әскерін шығару барысында екі жақтың да мүддесі ескерілуі керектігін айтып, аталмыш бағытта тізе қосып қимылдауға уағдаласқан. Бұдан бөлек Түркия басшысы алдағы уақытта Уашингтонмен бірлесіп жұмыс істеуге дайын екендігін айтқан. Ал өз кезегінде АҚШ президенті екі ел арасындағы тауар айналымын 75 миллиард долларға жеткізу жоспарында бар екендігін жеткізген.

Бұған дейін Режеп Тайып Ердоған «АҚШ президенті Сүриядан әскерін шығару арқылы өз уәдесінде тұрады деп үміттенемін» - деп мәлімдеген.

Осыдан кейін АҚШ қарулы күштерінің орталық басқармасының басшысы Жозеф Вотел «Қазір Пентагон Сүриядан әскери техникаларын шығаруда. Бұл бірнеше апта уақыт алуы мүмкін» - деген.

Дереккөз: qazaqtimes.com

22 ақпан 2019, 09:40

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.