Атырау, 28 наурыз 21:00
 ашықВ Атырау 0
$ 449.58
€ 486.94
₽ 4.86

Ресейде "Иегова куәгерлері" тергеушілердің "азаптағанын" айтты

2 014 просмотра


Ханты-Мансий автономды округінде 15 ақпанда ұсталған "Иегова куәгерлері" діни қауымының жеті жақтаушысы тергеу комитеті өздерін "азаптағанын" айтып шағымданды.

Ұсталғандардың сөзінше, оларды "тергеушілер шешіндіріп, байлап, үстеріне су қойып, тоқпен азаптап, естерінен танғанша тұншықтырған". Олар "бірнеше сағатқа созылған азаптау кезінде тергеушілер діни ұйым мүшелерінің жиналысы қайда өтетінін, жиналысқа келетіндердің аты-жөнін сұрағанын" айтады.

"Иегова куәгерлері" діни қауымының үш жақтаушысы қазір тергеу абақтысында отыр. Босап шыққандар жарақатын көрсетіп, бақылаушы органдарға шағым түсірген.

2017 жылы тамызда Ресей "Иегова куәгерлерін" тыйым салынған ұйымдар тізіміне қосқан.

Иегова куәгерлерінің іс-әрекетін "экстремистік" деп жариялауға сот негіз қылған жалғыз нәрсе – бұған дейін ресейлік соттар тыйым салған діни әдебиетті таратуы. Бірақ ол тыйымдар "кез-келген діни ұйымның табиғи қасиеті саналатыны тәрізді Иегова куәгерлерінің де өз діни сенімінің дұрыстығына деген кәміл сенетіндігіне байланысты оларға діни алауыздықты өршіту айыбын таңуға негізделген" деп санайды "Мемориал".

Дереккөз: azattyq.org

 

21 ақпан 2019, 09:05

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.