Атырау, 29 наурыз 01:08
 ашықВ Атырау +4
$ 448.15
€ 483.46
₽ 4.86

"Ешқайда қашпаймын" Жаңа ішкі істер министрі қандай уәде берді?

1 826 просмотра


Ерлан Тұрғымбаев ішкі істер министрі болып осы жылдың 12 ақпанында тағайындалған еді. Жаңа ішкі істер министрі Ерлан Тұрғымбаев БАҚ өкілдерімен дос болуға уәде берді, деп хабарлайды Sputnik Қазақстан тілшісі.

"Сіздерден ешқайда қашпаймын, дос боламын. Кеңесшім бар, жұмысты бастап кеттік", - деді Тұрғымбаев үкімет кулуарында.

ІІМ басшысы резонансты оқиғаларға қатысты түсініктеме беруден бас тартып, журналистерге арнап бөлек брифинг ұйымдастыратынын айтты.

"Қазір жұмыспен толық танысып, мәселелерді егжей-тегжей зерттейін. Кейін сіздерді бөлек шақырып, реформа, алдағы жоспарлар туралы барлығын айтып беремін", - деп уәде етті министр.

Айта кетсек, осы жылдың 12 ақпанында Қазақстан президентінің жарлығымен Ерлан Тұрғымбаев ішкі істер министрі болып тағайындалды. Бұған дейін ол ішкі істер министрінің орынбасары қызметін атқарған еді.

Ал Ішкі істер министрлігін сегіз жыл басқарған Қалмұханбет Қасымов Президент көмекшісі – Қауіпсіздік кеңесінің хатшысы болып тағайындалды.

Дереккөз: sputniknews.kz

19 ақпан 2019, 12:03

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.