В Атырау
-1 
Өзін-өзі Венесуэланың уақытша президенті деп жариялаған Хуан Гуаидо шекарадағы гуманитарлық көмек ақпанның 23-іне дейін ел аумағына кіруі тиіс екенін айтты.
Ал Венесуэладағы билік тізгінін ұстаған Николас Мадуро гуманитарлық жәрдемді қабылдаудан бас тартып отыр. Мадуроның пікірінше, Венесуэладағы азық-түлік және дәрі-дәрмектің жетіспеушілігіне АҚШ салған экономикалық санкциялар кінәлі. Атап айтқанда, «Ақ үйдің латынамерикалық елдің мұнай өндіруші ұлттық компаниясына салып отырған санкциялары Венесуэланың дамуына кедергі келтіреді», – дейді Николас Мадуро. Николас Мадуро, Венесуэла президенті: - Венесуэла шеттен дәрі-дәрмек пен шикізатты сатып ала алмайтындай қысым жасалып отыр. Нақтырақ айтқанда, Ақ үй банктегі есепшоттарды бұғаттап, сауда-саттық операцияларын жүргізуге мүмкіндік бермейді. Яғни халыққа қажетті жүгері мен бидай сатып алуға кедергі келтіреді. Сондай-ақ дәрі-дәрмекке қажет триллиондаған долларды есепшоттан ала алмай отырмыз.
Дереккөз: 24.kz