В Атырау -4 
1 ақпанда Құрманғазы ауданы Дыңғызыл округінде жылқыны атып, етін ұрламақшы болған екі ер адам ұсталды.
Жергілікті учаскелік полиция атылған мылтық дауысын естіп, ауыл сыртына шыққанда ВАЗ-2106 көлігі мен қасында қансырап жатқан жылқыны көреді. Полицияны көрген екі күдікті көліктен түсіп қашуға тырысқанымен, алысқа бармады. Тексеріс кезінде автокөлік ішінен шолақ мылтық, жылқы союға арналған құрал-жабдықтар табылды.
Атырау облыстық Полиция департаментінің баспасөз қызметінің хабарлауынша, аталған дерек бойынша ҚР ҚК-тің 188 («Ұрлық») және 287 баптарына («Тіркелмеген қаруды заңсыз алып жүру») сәйкес сотқа дейінгі тергеп-тексеру амалдары жүріп жатыр.
Ләззат ҚАРАЖАНОВА
Суреттерді полиция департаменті баспасөз қызметі ұсынды
7 ақпан 2019, 15:27