![](https://f.azh.kz/news-kaz/037/583/19fa0485df62e652f2540d869d887df6_xl.jpg)
Жақында әлеуметтік желіде Түркістанның жоғары сынып оқушылары бастауыш сынып оқушыларын қорлап, күш көрсетіп жатқан бейнежазба тараған еді. Полиция қатысушыларды анықтап жатқанда, желілерде тағы да Түркістаннан жасөспірімдерді топ болып ұрып-соғып жатқан жаңа бейнежазба пайда болды. «AЖ» Атырау облысындағы жасөспірімдер қылмысына қатысты мәселелер туралы сұрастырды.
- 2018 жылы сот кәмелетке жетпеген 6 заң бұзушыға үкім шығарды. Бұлар: 4 қарақшылық, тонау және денсаулыққа көрінеу ауыр зиян келтіру қылмыстарын жасаған, - деп хабарлады кәмелетке толмағандардың істері жөніндегі мамандандырылған ауданаралық сотының баспасөз қызметі. – Алтауы да түрлі мерзімге бас бостандығын шектеу жазасына сотталды, олардың ең кішісінің жасы – 16-да.
Жақында «Жасөспірім» жедел-алдын алу іс-шарасы барысында Атырау облысының ішкі істер органдарына 127 кәмелетке толмағандар жеткізілген, олардың 108-і әкімшілік құқық бұзушылық жасаған.
- 92 ата-ана балаларын қараусыз қалдырғаны үшін әкімшілік жауапкершілікке тартылды. Бұдан басқа, сот кәмелетке толмағандарға темекі мен алкоголь өнімдерін сатқан 11 адамға ақшалай айыппұл салды, - дейді дейді Атырау облыстық полиция департаментінің баспасөз хатшысы Назымгүл ҚАЙСАҒАЛИЕВА. - Жеті жасөспірім ҚР Әкімшілік құқық бұзушылық туралы кодексінің 435-бабы («Кәмелетке толмағандар жасаған бұзақылық») бойынша жауапкершілікке тартылды.
Фархат ӘБІЛОВ