Атырау, 8 мамыр 02:29
 бұлыңғыр боладыВ Атырау +18
$ 439.43
€ 473.31
₽ 4.82

Қала билігі әрбір жаңа тұрғынға 10 мың доллар төлейді

2 082 просмотра


Италияның Локана қаласында жылына 40 адам өмірден озса, небәрі 10 сәби дүниеге келеді. Италияның солтүстік-батысында орналасқан Локана қаласының мэрі көшіп келіп, сәбилі болған әр жаңа тұрғынға 9 мың еуро (10 200 доллар) төлеуге уәде берді, деп хабарлайды CNN.

Бұл сома үш жыл бойы төленеді, дейді Джованни Бруно Маттиет. Мэр әуелі итальян халқы мен Италияда тұратын шетелдіктерге үндеу жолдаған еді. Қазір шетелде тұратын адамдарды да шақырып отыр.

Локана билігі халық саны күрт азайып кеткендіктен осындай шешім қабылдаған екен. Қазір елді мекенде 1,5 мың адам тұрады. Жергілікті тұрғындардың басым бөлігі ірі қалаларға көшіп кеткен.

Қалада ондаған дүкен, мейрамхана жабылып қалды. Қазір жалғыз мектеп те жабылудың аз-ақ алдында тұр. Жыл сайын Локанада 40 адам қайтыс болып, небәрі 10 сәби дүниеге келеді.

Мэр атап өткендей, жаңа тұрғындар бұрынғы жұмыстарында қашықтан істей берсе болады, бірақ қалада да жұмыс орындары бар. "Біз негізінен жастар мен мамандарды тартқымыз келеді. Локанада салауатты өмір салтын ұстана аласыз, тағамы керемет, жәрмеңкелер жыл сайын істеп тұрады", - дейді ол.

Шағын қала болса да, Локана өте бай елді мекен болып саналады, ондағы су электр станциясының ресурсы бүкіл Италияны қамтамасыз етеді.

Дереккөз: sputniknews.kz

1 ақпан 2019, 16:56

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.