​АҚШ шатдауннан 11 млрд доллар шығынға батты

Бұл туралы Конгрестің бюджет жөніндегі басқармасы мәлімдеді. Елде желтоқсан айынан бері 800 мыңға жуық мемлекеттік қызметкер жалақысыз жүр. 

Сарапшылардың айтуынша, 11 миллиардтың 8 миллиарды алдағы тоқсанда қызметкерлердің өз жұмысына оралғанынан кейін қалпына келеді. 

Естеріңізге салайық, АҚШ-та шатдаун, яғни кей мемлекеттік органдардың уақытша жұмыс істемеуі 22 желтоқсан күні басталып, 25 қаңтарда аяқталды. Оған Трамптың Мексикамен шекарада қабырға тұрғызуға бюджеттен 5,7 миллиард доллар сұрауы себеп болды. 

Дереккөз: 24.kz