Тек зауыт шамдары болуы тиіс

Атырау қаласының полицейлері жол-көлік оқиғаларының алдын алу жөніндегі рейд барысында 213 ереже бұзушылықты анықтады. Ең алдымен көліктердің заңсыз қайта жабдықталуына қатысты тексерілді.

- Атап айтқанда, көліктеріне өздіктерімен ксенон шамдар мен Led- лампалар орнатқан жүргізушілерге әкімшілік хаттамалар толтырылды. Бұл ҚР Әкімшілік құқықбұзушылық кодексінің 590-бабының 7-тармағына («Тиiстi рұқсатсыз қайта жабдықталған көлiк құралын басқару») сәйкес келеді. Мұндай ереже бұзушылық үшін 15 АЕК көлемінде айыппұл төленеді, - деп хабарлады Атырау облыстық полиция департаментінің баспасөз хатшысы Назымгүл ҚАЙСАҒАЛИЕВА. - Айыппұл төлемеген және ереже бұзушылықты түзетпеген көлік иелері техникалық тексеруге жіберілмейді.