​Колумбия президенті бітімгерлерді тұтқындауға бұйрық берді

Боготадағы жарылыстан кейін Колумбия президенті Иван Дуке «Ұлттық азат ету әскері» көтерілісшілерінің Кубадағы бітімгерлерін тұтқындауға бұйрық берді. 

Шешім Ұлттық қауіпсіздік кеңесінің отырысында қабылданды. Президент бұл қадам көтерілісшілердің лаңкестік әрекетті тоқтапауына байланысты қолға алынғанын жеткізді. Ол сондай-ақ енді қарулы топтармен келіссөз тек халықаралық бақылаушылардың қатысуымен ғана жүзеге асатынын айтты. 

Еске сала кетейік, бейсенбі күні Колумбия астанасы Боготадағы ұлттық полиция академясының ғимаратында жарылыс болып, 21 адам қаза тауып, 70-ке жуығы жарақат алды. Қорғаныс министрлігі лаңкестікті дәл осы «Ұлттық азат ету әскері» тобы ұйымдастырды деп мәлімдеді.

Дереккөз: 24.kz