Мысырда төтенше жағдай режімі тағы үш айға ұзартылды

1 850 просмотра

Мысырда төтенше жағдай режімі тағы үш айға ұзартылды. Ел парламенті жексенбі, 13 қаңтар күні президент Әбдел Фаттах Ас-Сисидің тиісті жарлығын бекітті. Бұл туралы заң шығару органының баспасөз қызметіне сілтеме жасап Анадолы агенттігі хабарлады.

Мәлім етілгендей, Мысыр Араб республикасында төтенше жағдай жетінші рет ұзартылып отыр. Коммюникеге сәйкес, биліктің шешімі елдегі қауіпсіздік ахуалымен байланысты.

Мысырда төтенше жағдай 2017 жылы Танта және Александрия қалаларындағы шіркеулерде болған жарылыстардан кейін енгізілді. ДАИШ (Қазақстанда және өзге мемлекеттерде тыйым салынған) террористік ұйымы өз мойнына алған лаңкестік актілер салдарынан 45 адам мерт болды, тағы 125-і зардап шекті.

Оқиғалардан кейін президент Ас-Сиси үш ай мерзімге төтенше жағдай режімін енгізу туралы шешімін жария етті. Мемлекет басшысының директивасында бұл режімді үш айға ұзарту мүмкіндігі қарастырылған болатын.

Дереккөз: inform.kz

14 қаңтар 2019, 10:00

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.