​Грузияда доңыз тұмауынан 13 адам көз жұмды

Грузияда доңыз тұмауынан бір айдың ішінде 13 адам жан тапсырды. Елдің денсаулық сақтау министрлігінде қаза болған науқастардың барлығы дәрігерлердің көмегіне уақытылы жүгінбегенін айтады.

Ал жергілікті тұрғындардың жедел жәрдем қызметіне көңілдері толмайтын көрінеді. Айтуларынша, дәрігерлер бригадасын сағаттап күтуге тура келеді. 

Тіпті олардың шақырған жерге келмеген жағдайлары да тіркелген екен. Қазір елде бұл дертке шалдыққан адамдардың саны 160-қа жетті. Осыған орай Грузияның барлық ірі ауруханалары карантин жариялады.

Дереккөз: 24.kz