Атырау, 18 қаңтар 16:48
Кешке ашық-9, түнде -9
ҚР Ұлттық банкінің валюта бағамы: $ 376.60  € 429.06  P 5.66

Атырау облыстық әкімдігі облыстық білім беру басқармасы басшысының ұсталуына байланысты түсінік берді

3 қаңтар 12:25

Серік ШӘПКЕНОВ
Мемлекеттік органдар басшыларымен өткен аппарат жиынында Атырау облысы әкімінің бірінші орынбасары Серік ШӘПКЕНОВ аймақтың өткен жылғы әлеуметтік-экономикалық дамуына қорытынды жасады, сондай-ақ, 2019 жылға нақты тапсырмалар жүктеді.  

Сонымен қатар, жиналыс барысында қазіргі таңда білім беру басқармасының бірнеше қызметкерінің, сондай-ақ басқарма басшысының ұсталуы бойынша мәлімет барын айтып өтті.

- Қазіргі таңда тексеру жұмыстары жүріп жатқандықтан біз болған жағдайға толыққанды баға бера алмаймыз, - деді Шәпкенов.

- Күдіктілердің кәнісін сот анықтайды. Алайда, атқарушы орган тарапынан осы және өзге де мемлекеттік қызметкердің қызметтегі адалдығына күмән туғанының өзі бізді бей-жай қалдырмайды. Себебі, жемқорлықпен күрес – біздің жұмысымыздағы ең басты тапсырма, сондықтан біз осындай жайттар орын алмас үшін бар күшімізді салатын боламыз. 


Шапкеновтің айтуынша, жуық арада облыстық әкімдікке қарасты барлық басқармада ішкі аудит жүргізілетін болады.

- Ішкі аудит бөлімінің қызметкерлері барлық басқармаға кіріп, мемлекеттік сатып алу құжаттарындағы және ішкі құжаттардағы заңның сақталуын жіті тексеретін әрі талқылайтын болады, - деді Шапкенов. - Егер қандайда бір басқарма немесе соған қарасты ұйымдарда тәртіп бұзушылық орын алатын болса, арнайы шаралар қабылданатын болады.

Атырау облыстық әкімдігінің баспасөз хабарламасы

Нашли ошибку? Выделите её мышью и нажмите Ctrl + Enter.
 

1271 рет қаралдыБасты бет Поделиться:

Подпишитесь и узнавайте о новостях первыми


Басты бет