В Атырау +12.4 
АҚШ президенті Дональд Трамп Өзбекстан «экс-ханшайымы» Гүлнара Кәрімоваға салынған санкциялар мерзімін ұзартты.
Ақ үй баспасөз қызметі таратқан мәлімет бойынша, президент Дональд Трамп Өзбекстан экс-президентінің үлкен қызы Гүлнара Кәрімова мен Ресей Бас прокурорының ұлы Артем Чайкаға салынған санкциялар мерзімін тағы бір жылға созуға байланысты жарлыққа қол қойған.
Жарлықта: «Адам құқығы мен жемқорлық мәселелеріне байланысты заң бұзушылықтардың жиілеуіне байланысты №13818 жарлығының мерзімін тағы бір жылға созуға шешім шығарылды» - делінген.
2017 жылдың 21 желтоқсанында АҚШ президенті Дональд Трамп Гүлнара Кәрімова, Артем Чайка және Украина арнайы жасағының экс-басшысы Сергей Кусюкқа қарсы санкция салып, ел аумағына кіруге визалық шектеу қойған.
Дереккөз: "The Qazaq Times"