Полиция көлігі мен автобус бір жолға сыймады

Әлеуметтік желілерде Атыраудағы жол-патруль полициясы көлігінің қатысуымен орын алған  жол-көлік апатының суреті таралуда.

- Иә, 14 желтоқсанда сағат 10.30-да Әлиев пен Молдағұлова көшелерінің қиылысында осындай апат орын алды, - деп хабарлады Полиция департаментінің баспасөз хатшысы Назымгүл ҚАЙСАҒАЛИЕВА.-«Шкода-Октавия» маркалы патрульдік автокөлігінде қызмет бабында жүрген екі полиция қызметкері, ал маршруттық емес “ПАЗ” маркалы автобусында тек жүргізуші ғана болған. Оқиғаның мән-жайын анықтағаннан кейін кінәлілер сот алдында жауапқа тартылады.

Қайсағалиеваның айтуынша, көлік апатына қатысушыларға сол жерде медициналық көмек көрсетілген, олар ауруханаға жатудан бас тартыпты.

Фархат ӘБІЛОВ