В Атырау -10 
Шымкентте Атырау облысының 22 жастағы тумасы өзінің 5 жасар өгей баласын өлтірді деген күдікпен ұсталды. Тергеу барысында анықталғандай, 5 желтоқсанда кешкісін Шымкентте медреседе білім алып жүрген жас жігіт баланы аяусыз ұрып-соққан, кейін полицейлерге екі қабатты кереуеттен өзі құлап қалды деп хабарлаған.
Бала ауруханаға ауыр халде түскен, бауыры мен талағы жарылып, ішіне қан кеткен деген диагноз қойылды. 4 сағаттан кейін бала көз жұмды.
- Сот-медсараптама баланың алынған дене жарақатынан қайтыс болғанын анықтады. ҚР ҚК-нің 106-бабының 3-тармағы (жәбiрленушiнiң өліміне әкеп соққан денсаулыққа қасақана ауыр зиян келтiру) бойынша сотқа дейінгі тергеу жүргізілуде. Күдікті ұсталып, уақытша ұстау абақтысына қамалды, - деп хабарлайды Шымкенттегі полиция департаментінің баспасөз қызметі.
Фархат ӘБІЛОВ