​Армениядағы парламент сайлауына халықтың 48,63 пайызы ғана қатысқан

Арменияның орталық сайлау комиссиясы парламент сайлауына қанша халық қатысқаны жөнінде алдын ала мәліметтерді жариялады, деп хабарлайды armenpress.am. 

«Елде парламент сайлауына қатысуға құқылы 2 млн 592 мың 479 адам бар болса, содан 1 млн 260 мың 479 адам ғана сайлауға қатысқан. Бұл - жалпы сайлаушылардың 48,63 пайызы», - дейді ОСК басшысы Тигран Мукучян.

Арменияда халықтың парламент сайлауына қатысуына қатысты белгіленген меже жоқ, сондықтан қанша адам дауыс бергеніне қарамастан сайлау өтті деп саналады, деп атап өтті armenpress.am.

Дереккөз: inform.kz