В Атырау -1 
ҚР Ауыл шаруашылығы министрлігі Қырғызстан Республикасының отандық құс еті мен жұмыртқаға шектеу енгізуіне қатысты ресми мәлімдеме таратты, деп хабарлайды ҚазАқпарат тілшісі.
«Қырғыз Республикасының Алматы және Солтүстік Қазақстан облыстарынан құс еті мен жұмыртқаны әкелуге шектеу енгізгені заңсыз. Соңғы 10 жылдың ішінде Алматы облысында құс аурулары тіркелген жоқ. Ал Солтүстік Қазақстан облысының Айыртау ауданында құстардың Ньюкасл індеті бойынша жарияланған карантин 2018 жылы 19 қыркүйекте алып тастады. Осыған байланысты Алматы және Солтүстік Қазақстан облыстарынан құс еті мен жұмыртқаны әкелуге Қырғыз Республикасының енгізген шектеулері құқыққа жат болып табылады. Тиісті хат Қырғыз Республикасы Үкіметінің жанындағы ветеринариялық және фитосанитариялық қауіпсіздік бойынша Мемлекеттік инспекциясына жіберілді», - делінген АШМ-ның ресми хабарламасында.
Дереккөз: inform.kz