Атырау, 17 маусым 03:59
Таңертең ашық+25, күндіз +30
ҚР Ұлттық банкінің валюта бағамы: $ 384.05  € 432.79  P 5.96

Ыстық күнде ұстаған оразаның сауабы мол

19 шілде 2012 18:24

Ыстық күнде ұстаған оразының сауабы да мол болады. Бұл туралы ертең басталатын қасиетті Рамазан айына орай өткен баспасөз мәслихатының барысында Астанадағы «Нұр Астана» мешітінің бас имамы Қалижан Заңқоев айтып берді.

«Шілденің ыстық күнінде ораза ұстайтын біз ғана емес. Тіпті, бұрын Кеңес үкіметінің қыспағында болған ата-бабаларымыз да жаз демей, қыс демей ораза тұтқан. Болмаса, жыл он екі ай ыстық қайтпайтын Араб елдерін алайықшы. Осы уақытқа дейін сондай ыстық елдерде күннің ыстығына бола, бес парыздың бірін өтемедім деген мұсылман болды ма? Болған жоқ. Біздің елімізде де ыстық күнде ораза ұстап, арыз айтқан адамды естімедім», - деген Қалижан Заңқоев бәрі адамның ниетіне байланысты екенін баса айтты.

«Алла пендесінің әлі келмейтін парыз жүктемейді. Сондықтан, ниеті түзу адамға Алла өзі күш береді. Ал, енді ыстық ауа-райына байланысты қыз-келіншектеріміздің, әсіресе, ораза ұстайтын қарындас-әпкелеріміздің ашық киіммен жүруіне келер болсақ, ислам діні қыздардың ашық киюіне тыйым салғаны белгілі. Жалпы, менің ойымша, хиджап мәселесі біздің қоғамда шешімін таба алмай жүрген сияқты. Бірі басына орамал тағып жүрген жас қыздарды сынаса, бірі оларды теріс дінге түскен деп есептейді. Менің пікірім, қыз-келіншектеріміз қашан да ұятты жерлерін жауып, барынша ұзын етек-жеңді киімде жүруі керек. Бұл біздің салтымызда да бар ғой. Күн ыстық екен деп, ашық-шашық, қалай болса солай киінген аруларды біз түзу жолға шақыруымыз керек. Бұл жерде үйдегі ата-ананың да тәрбиесі және адамның сана-сезімі зор рөл атқарады», - деп ой толғатты наиб мүфти.

BNews.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

476 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4