Талғат үйіне оралды

Бейнежазба
6 909 рет қаралды


Бүгін, 29 сәуірде таңертеңгі пойызбен кеше Ақтөбедегі түзету мекемесінен босатылған азаматтық белсенді Талғат АЯН Атырауға үйіне оралды.  Бұдан бұрын хабарланғандай, бас бостандығынан айыру түріндегі жазасының өтелмеген бөлігі оны 3 жыл жарымға шектеумен ауыстырылған болатын.


Вокзалда оны туыстары мен достары құшақ жая қарсы алды. Гитарамен ән айтылып, әуеде түрлі-түсті шарлар қалықтады.

- Бостандыққа шыққаныма қуаныштымын, бірақ Макс Боқаевтың әлі отырғанына қынжыламын. Бәріңізге қолдау көрсеткендеріңіз үшін рахмет! деді Талғат.

Бәрі қосылып Қазақстанның әнұранын шырқады. Содан кейін ол күні кеше ғана туған күні болған қызын құттықтау үшін үйіне асықты.



Фархат ӘБІЛОВ

Суретті және бейнежазбаны түсірген автор

29 сәуір 2018, 11:11

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.