«Қазақстанды Солтүстік Кореяға үлгі етеді», «Кремльдің кезекті пропогандасы», «АҚШ-тың Ауғанстандағы саясатын кімдер қолдады?», «Дәстүрімізді “прикол” деп, жөн-жосықты “ысырап” санайтындармен ымырасызбын», «"Серпіннен" сенім кетті».

ABAI.KZ. «Кремльдің кезекті пропогандасы» - Ең сорақысы сол, Астана әріптес көретін Кремльдің айтағындағы ала күшік "Қазақстан Ресейдің федерациясы болмаса, Украинаның кебін киеді" дегенді ашық айтты.

«"Серпіннен" сенім кетті» - Асылы бізде тамаша дегенде аузын ашып, көзін жұматын бастамалар үлкен айқай шумен, зор даңғазамен басталады да, аяғы сиырқұймшақтанып, құмға сіңген судай жоқ олады.

QAMSHY.KZ. «Жанқош Тұраров: Қарсыласым мықты. Бірақ ел намысы үшін есемді жібермеймін!» - «Иә, Алла қаласа, 9 қыркүйек күні Қанат бауырымыз бастаған қазақтың батыр жігіттері алаңға шығамыз. Жаттығуымыз жоғары деңгейде өтіп жатыр. Америкадан промоутерлеріміз, менеджерлеріміз, жаттықтырушыларымыз келіп, бел сыбана дайындалып жатырмыз. Шетелдік спортшылар да бар, білгендерімен бөлісіп, көмек көрсетіп жатыр».

«Дәстүрімізді “прикол” деп, жөн-жосықты “ысырап” санайтындармен ымырасызбын» - "Асыл арнаның" Саудияға қатысы қанша?" деген сауал мемлекеттік деңгейде, тіпті, парламент мінберінде депутаттар аузынан талай мәрте айтылған және талай мәрте бұл төңіректе үлкен-үлкен әңгімелер мен зерттеулер болып, оның нүктесі нық қойылған.

JASQAZAQ.KZ. «Жат әдетке жол жоқ» - Нақтырақ айтар болсақ, министрлік бұдан былай жүзін тұмшалайтын киімге және мемлекеттік тіркеуге алынбаған некеге тыйым салатын заң жобасын қыркүйекте парламентке жолдауды көздеп отыр.

AIKYN.KZ. «Құрбандықты дұрыс шалудың 6 шарты» - Көптен күткен ұлық мейрамымыз Құрбан айтымыз келіп жетті. Яғни, 1-қыркүйек – Құрбан айт мерекесі.

«Жарылыстан көз ашпаған далам-ай…» - Полигонның 40 жылдық тарихында Семейден 120 шақырым жерде 498 ядролық сынақ өткені белгілі. Оның 88-і ауада, 30-ы жер бетінде, 340-ы жер астында жарылған. Соңғысының қуаты 1,5 мегатонн мөлшерінде болған. Айта кетер бір жайт, сынақтан 1.5 миллион адам зардап шекті.

 INFORMBURO.KZ. «Берел қорғанының құпиялары» - Жалпы, кейбір үлкен қорғандар бірнеше рет тоналған. Бұрынғы тонаушылардың іздерімен қайта кірген ұрылар да болған екен.

QAZAQTIMES.COM. «АҚШ-тың Ауғанстандағы саясатын кімдер қолдады?» - Жуырда Дональд Трамп АҚШ-тың Ауғанстандағы саясатын айқындайтын стратегияны жариялады. 

QAZAQUNI.KZ. «Болашағымызға бей-жай қарауға болмайды» - Тек қана соңғы жылдарда орын алған осы тектес оқиғаларды саралап қарасақ мұндай қылмыстар жиілеп бара жатқанына көз жеткізу қиын емес. Әскер қатарына шақырылып, сап-сау кеткен сарбаздарды туған жеріне табытпен қайтарған жағдайлар да жеткілікті.

AZATTYQ.ORG.  «Істің ойдан құрастырылғанын дәлелдедік» - Үкім шыққанға бірнеше апта қалды, ал қырымдық саяси тұтқындар мен биліктің қудалауына ұшыраған белсенділердің отбасылары аты шулы сот процестерінің аяқталуына дайындалып жатыр. 

«Қазақстанды Солтүстік Кореяға үлгі етеді» - Батыс баспасөзі Корея түбегіндегі шиеленісті жағдайды талдап, ядролық қарусыздану жағынан Қазақстанды Солтүстік Кореяға үлгі етеді.