«Ерте сайлау және билік транзиті». «Қауқарсыз үкiметтiң халыққа керегi жоқ!». «Назарбаевтың жиені назарын футболға аударды». «Тәуелсiз басылымның жабылуында саяси астар бар». «Өзбекстанды террор елесі кезіп жүр».

AZATTYQ. ORG «Өзбекстанды террор елесі кезіп жүр» - Өзбекстан ресми органдарынан ақпарат алу қиын. Шенеуніктер мен мемлекеттік БАҚ жағымды жаңалықты тым әспеттеп, жағымсыз оқиғаны елеусіз етіп көрсетуге, тіпті жасыруға тырысады.

«"Полицияға шабуыл жасаған" тәжік генералы» - Халық арасында үрей тудырып, кем дегенде тоғыз полицейдің өліміне себепкер саналған ауқатты тәжік генералы қазір қашып жүр.

«Ерте сайлау және билік транзиті» - Қазақстанда парламент сайлауы ерте өтуі мүмкін деген болжамдар айтылып жатыр. Кейбір саясаткерлер мен саясаттанушылар «билік транзиті - саяси күн тәртібінде тұрған бұдан да өзектірек мәселе» деп санайды.

«Назарбаевтың жиені назарын футболға аударды» - Қазақстан футбол федерациясы Айсұлтан Назарбаевтың осы ұйымды басқару туралы ұсынысына комментарий бермеді. Бұл федерацияны оның қайтыс болған әкесі Рахат Әлиев басқарған. Ал атасы Нұрсұлтан Назарбаев - федерацияның құрметті президенті.

ZHASALASH.KZ. «Қауқарсыз үкiметтiң халыққа керегi жоқ!» - Елдiң экономикалық-әлеуметтiк саясатын құрдымға жiберiп, халықты ауыр ахуалға әкеп тiреген үкiмет жетекшiсiнiң қызметтен кетуiн қолдаушылар саны күн санап өсуде.

«Ендi кiмге өкпелеймiз?» - Ресей президентi Владимир Путиннiң ТМД аумағында доллар және еуродан бас тартуды қарастыратын заң жобасын Ресей мемлекеттiк думасына тапсыруы қазақстандық әлеуметтiк желi қолданушыларының наразылығын тудырды.

«Тәуелсiз басылымның жабылуында саяси астар бар» - “Адам" тәуелсiз басылымының қызметiн 3 айға тоқтатты.

«Ланд Крузер мiнiп, «Виагра» iшiп, «Фуа-гра» жеп...» - Қазақстанның тұңғыш әрi “өмiрбақилық" президентi Нұрсұлтан Назарбаев соңғы жылдары қатарластарының көңiлiн табатындай сөз айтып жүр.