Балалардың ақшасын прокуратура алып берді

Индер аудандық прокуратурасы 277 отбасыға тиесілі бір миллионға жуық ақшаны аудандық жұмыспен қамту және әлеуметтік бағдарламалар бөлімінен алып берді. 

Осы жылдың сәуір айына тиесілі 953 мың теңге қаржы уақтылы төленбеуіне байланысты аналар арыз түсірген. Индер аудандық прокурордың орынбасары міндетін атқарушы Мақсат ШАРИПОВТЫҢ айтқанындай, аудандық жұмыспен қамту және әлеуметтік бағдарламалар бөлімі қаржының төленбеуіне кінәлі болып шықты. Бүгінде бөлім қызметкерлерінің тәртіптік жауапкершілігін шешу үшін аудан әкіміне ұсыныс берілген. Ал ақшалар өндіріліп берілген болатын.

Ләззат ҚАРАЖАНОВА