Атырау, 21 маусым 00:17
Таңертең ашық+32, күндіз +35
ҚР Ұлттық банкінің валюта бағамы: $ 380.56  € 430.15  P 6.02

“Даму” көмек қолын созды

28 шілде 2011 00:17

Қазақстанның мүгедек кәсіпкерлері  қажетті компьютерлер мен тігін машиналарына қол жеткізді. Олардың ішінде атыраулық төрт мүгедек кәсіпкер бар.

Біз «Даму»  кәсіпкерлікті дамыту қорының жұмыс бағыттарының бірі мүгедек кәсіпкерлерді қолдау үшін арнайы жасақталған «Даму-Көмек» бағдарламасы боп табылатынын жазған едік. Бұл бағдарлама кәсіпкерлікпен айналысуға, кәсіби тұрғыда өсуге, сондай-ақ бизнеспен айналысатын мүгедек кәсіпкерлердің біліктілігін көтеруге қолдау көрсету үшін мүмкіндігі шектеулі адамдарға жағдай жасауға бағытталған болатын.

Бұл қаржылық жоба емес: www.damu-komek.kz сайтына мүмкіндіктері шектеулі кәсіпкерлер бизнес жасау үшін қандай жабдыққа, қызметке немесе басқа көмекке мұқтаж екендігі туралы өз өтініштерін орналастырады. Сол жерге осындай көмек көрсеткісі келетін кәсіпкерлер де өз хабарландыруларын бере алады. «Даму» қорының аймақтық филиалдарына өз істерін ашқысы келетін мүгедектерден үнемі ақпарат келіп түседі. Өткен жылдың желтоқсан айынан бастап, Қазақстанның бүкіл аймақтарынан тігін машиналары қажет екендігі туралы өтініштер түскен. Соған орай Қазкоммерцбанк қаржысының есебінен 1 млн. теңгеден астам сомаға 33 тігін машинасы сатып алынған. Осы жабдықтар еліміздің 16 аймағына жеткізіліпті.

– «Даму-Көмек» бағдарламасының аясында 14 шілдедегі ахуал бойынша  сайтқа 431 өтініш орналастырылған. Қазақстанның бүкіл аймағы бойынша 188 өтінішті қанағаттандыра алдық. Ал Атырау облысынан 28 өтініш түсті. Бизнеспен айналысып жүрген кәсіпкерлерге де, өз істерін ашқысы келетін жандарға да көмек қажет екен. Жыл басынан бері алты адам көмек алды, - дейді «Даму» кәсіпкерлікті дамыту қорының Атырау облысы бойынша АФ директорының орынбасары Ақан  ҚАЙЫРҒАЛИЕВ. Бүгінде Қазкоммерцбанктің атынан ІІ топ мүгедегі Светлана РАХИМОВА мен Зерлеш ҚОШЕКЕНОВАҒА тігін машиналары табыс етілді. Ал Атырау облысы бойынша «Даму» қорының филиалының атынан ІІ топ мүгедегі Аманбек ЖҰМЫРҒАЛИЕВ пенІ топ мүгедегі Райымбек ЯКУПОВҚА компьютерлер тарту еттік.

Зульфия ИСКАЛИЕВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1542 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4