В Атырау
+10 
Сенбі күні, 9 шілдеде «Гелиос» ЖШС кейбір аймақтардағы отын бағасын көтеріп жіберді. Ал келесі аптада компания өз әрекеті жөнінде түсінік берген хабарламаны таратты.
Алайда, Атыраудағы «Гелиос» АИ-92/93, АИ-80 бензиндері мен дизельдік отын бағаларын бұрынғы күйде қалдырған. Өйткені Атырау қаласындағы осы жанар-жағармай стансасының қожайыны бензинді (отынның осы маркалары бойынша) бөлшектеп сату нарығында басты орында тұрған субъектілер тізіліміне енген.
Атыраудағы «Гелиос» жанар-жағармай стансаларында АИ-95 маркалы бензин құны бүгінде 128 теңге, АИ-92 – 102 теңге құрайды.
Елдің кейбір басқа аймақтарындағы бағаның көтерілуін отын нарығында қалыптасқан көтерме бағаның бөлшек бағадан асып кеткендігімен түсіндіреді. АИ-92/93 бензині көтерме бағамен литрі 99-105 теңгеден, АИ-80 – литрі 84-95 теңгеден, дизель отыны – литрі 87-95 теңгеден сатылуда. Ал 2011 жылдың 1 шілдесінен бастап мұнай өнімдерінің әлеуметтік маңыздағы түрлерінің шектеулі бағасы: бір литр АИ-92/93 бензині – 102, АИ-80 бензині – 84, дизельдік отын - 87 теңге деңгейінде бекітілген болатын. Бағалары көтерілген аймақтарда «Гелиос» желісіндегі бензиндер құны: бір литр АИ-80 – 97 теңге, АИ-92 – 113 теңге, дизель отыны – 113 теңге құрайды.
Зульфия ИСКАЛИЕВА