Пара түбі - жаза

Қаржы полицейлері пара алды деп күдіктелген мектеп директорын ұстады.

Кеше брифингтеЭкономикалық және сыбайлас жемқорлық қылмыспен күрес департаменті директорының орынбасары Оралбек ЖҰМАҒАЛИЕВ хабарлағандай, 45 мың теңге сомасында пара алу кезінде №30 орта мектептің директоры ұсталған. Тергеу мүддесіне сай істің мән-жайы жария етілмейді.

Ал қалалық сот қаладағы колледждердің біріндегі директордың орынбасарының ісі қаралуда. Ол әлдебір азаматқа «шағын кемелердің кеме жүргізушісі» мамандығы бойынша курсты бітіргендігі туралы куәлікті бергені үшін 20 мың теңге алған деп айыпталуда. Ал әлгі адам оқымаған, емтихан да тапсырмаған. Ақшамен бірге мұғаліміне балық та беріпті.

Лев ГУЗИКОВ