В Атырау +22 
Арменияның премьер-министрі Никол Пашинян Ереванда өткен COP17 климаттық конференциясы кезінде Қырғызстан президенті Садыр Жапаровты қателесіп «Қазақстан президенті» деп атады. Осы оқиғадан кейін Армения үкіметінде кадрлық өзгерістер болды, деп хабарлайды 24.kg.
Армения үкіметінің басшысы алдын ала дайындалған мәтінді қағаздан оқып тұрып, осындай қателік жіберген.
«Ең алдымен, Арменияға оралған Қазақстан президенті Садыр Жапаровты қарсы алғым келеді», — деді Пашинян.
Жергілікті БАҚ-тың мәліметінше, баспасөз өкілдерімен кездесу барысында Армения премьер-министрі Садыр Жапаровты тағы бірнеше рет Қазақстан басшысы деп атаған.
Іс-шараның ресми бөлімі аяқталғаннан кейін Никол Пашинян болған жағдайға қатты наразылық білдіріп, 2022 жылғы желтоқсаннан бері осы қызметті атқарып келген хаттама қызметінің басшысы Гагик Ваноянды қызметінен босатты.