В Атырау +22 
Қостанай облысы Федоров ауданының прокуроры Ерлан Майоров жұбайына күш қолдануы мүмкін екені туралы ақпарат тарағаннан кейін қызметтік тергеудің фигурантына айналды.
Бұл туралы Қостанай облысының прокуратурасына сілтеме жасаған HALYQSTAN Telegram-арнасы хабарлады.
Қадағалау органы тексеру жүргізіліп жатқанын растағанымен, істің егжей-тегжейін жариялаудан бас тартты.
«Қызметтік тергеу аясында прокурордың әрекеттеріне тиісті құқықтық баға беріледі. Өзге ақпаратқа қол жеткізу шектелген, сондықтан оны таратуға жатпайды», — делінген прокуратураның Telegram-арна жариялаған жауабында.
Қазіргі уақытта болжамды оқиғаның мән-жайы, жәбірленушінің арыз жазған-жазбағаны және ықтимал құқықтық саралау туралы ресми ақпарат жарияланған жоқ.
Сонымен қатар Қостанай облысы прокуратурасының ресми сайтында Ерлан Майоров Федоров ауданының қазіргі прокуроры ретінде көрсетілген. Ол прокуратура органдарында 2010 жылдан бері қызмет етеді. Бұған дейін аудандық прокуратураларда, облыстық прокуратурада және Бас прокуратурада түрлі лауазымдарды атқарған.