Атырау, 25 маусым 20:27
Түнде бұлтты+25, таңертең +25
ҚР Ұлттық банкінің валюта бағамы: $ 378.38  € 431.05  P 6.02

Тетігі көп телефон

4 мамыр 2011 21:25

Атыраулық «Алтел» компаниясы кеңсесінің клиенттерге қарым-қатынас жасау тұрғысындағы қызметіне өз наразылығымды білдіргім келеді. Жақында сол жерден HTC EVO 4G маркалы телефонды нөмірімен бірге сатып алған едім. Алайда сатып алған затымды бірден ала алмадым. Өйткені қоймашы орнында болмай шығып, ол тек сағат 15-терге таман ғана жұмысқа келді.

Бұдан әрі сервистік инженер телефонның жұмысын реттеп беру үшін оны алып, сәл күте тұруымды өтінді. Екі сағат жарым өткеннен кейін (осы уақыт бойына «Алтел» кеңсесінде болдым) инженердің жете білмейтіндігі және НТС телефонының жұмысын реттей алмайтындығы анықталды. Ол басқа қалалардағы компанияның сервистік орталықтарына қоңырау шала бастады. Бірақ оған ешкім  көмек бере алмады.

Содан кейін Алтел қызметкерлері сатып алған телефонның жұмысын реттеп беру үшін  телефонды келесі күнге дейін өздерінде қалдыруды өтінді. Дайын болған кезде өздері қоңырау шалатындықтарын айтты. Келесі күні маған ешкім де хабарласқан жоқ. Күдерімді үзіп кешке қарай өзім телефон шалдым. Телефонымның жұмысын реттеумен айналысатын мамандармен тілдескеннен кейін оның әлі реттелмегені, бәрі ретке келтірілген соң өздері қоңырау шалатындықтары белгілі болды. Мен аң-таң боп қалдым. Қымбат тұратын телефон сатып алғаныммен, әлі де оның қызығын көре алмай отырмын.

Константин

Оқырман хатына орай атыраулық «Алтел» компаниясы  филиалының басшылығынан түсінік беруді өтіндік.

«Абонент сатып алған HTC EVO 4G үлгісіндегі смартфон CDMA стандартындағы ұялы байланыс нарығындағы жаңа өнім боп табылады. «Алтел» АҚ Атырау филиалының сервис-орталығында осы телефонды сатып алған алғашқы тұтынушы осы абонент болатын, - дейді редакция сауалына жауап берген «Алтел» АҚ АФ филиалының директоры Асылжан ОРАЗОВ. – Бұл жағдайда смартфонды реттеу процесінде техникалық нюанстар үлкен рөл атқарған. Телефон дұрыс жұмыс жасау үшін әрбір реттеу процесін ескеру қажет болды.

«Алтел» АҚ басшылығы смартфонды техникалық реттеуге байланысты орын алған қолайсыздықтар үшін абоненттен жазбаша кешірім сұрады. Бұдан басқа, сервис-орталықтың барлық қызметкерлеріне абоненттерге лайықты деңгейде қызмет көрсету мәселелері бойынша түсіндірме жұмыстары мен қосымша тренингтер өткізілді. Өтемақы ретінде күткені үшін осы абонентке 500 Мб интернет-тарфигін сыйға тартамыз».

РЕДАКЦИЯДАН:Орын алған жағдайға байланысты заңгерлерден де түсінік беруді өтінген едік.

– Бұл жағдайда даудың реттелгені қуанарлық іс. Егер сатушы заңды, атап айтқанда «Тұтынушылар құқығын қорғау туралы» ҚР заңын нақты ұстанғанда тұтынушы тарапынан наразылық болмас еді. «Тұтынушылар құқығын қорғау туралы» ҚР заңының 10-бабының 1-тармағына сәйкес, тұтынушының тауар (жұмыс, көрсетілетін қызмет) туралы, сондай-ақ сатушы (дайындаушы, орындаушы) туралы осы Заңның 25-бабына сәйкес толық, дұрыс және уақтылы ақпарат алуға құқығы бар.

10-баптың 2-тармағына сәйкес, егер тауар (жұмыс, көрсетілетін қызмет) туралы, сондай-ақ сатушы (дайындаушы, орындаушы) туралы толық емес, дұрыс емес және уақтылы емес ақпарат беру:

- тұтынушыға қажетті қасиеттері жоқ тауарды (жұмысты, көрсетілетін қызметті) сатып алуға әкеп соқса, ол шартты бұзуға және өзіне келтірілген залалды өтеуді талап етуге құқылы;

- сатып алынған тауарды (жұмысты, көрсетілетін қызметті) мақсатына сай пайдалану мүмкіндігінің болмауына әкеп соқса, тұтынушы тауарды сатып алған (жұмыс орындалған, қызмет көрсетілген) күннен бастап күнтізбелік үш күн ішінде тиісті ақпарат беруді талап етуге құқылы. Егер көрсетілген мерзімде ақпарат берілмесе, тұтынушы шартты бұзуға және өзіне келтірілген залалды өтеуді талап етуге құқылы.

Яғни, бұл жағдайда сатып алушы ақы төлеген тауардың қасиеттерін пайдалана алмаған, бұл сатушының кінәсі.

Егер сатушы сатып алушымен келісім жасағанға дейін – қымбат тұратын телефонды сатып алмас бұрын смартфонның техникалық жұмысын ретке келтіру жөнінде клиентті хабардар еткен болса, онда сатып алушы еш қиындықсыз реттей алатын телефонды таңдаған болар еді немесе сатып алудан мүлдем бас тартар еді, - деп түсіндірді бізге «Эксперт» заңгерлік компаниясындағылар. Осы заңның негізінде сервис-орталықта сатып алушыларға телефон жұмысын реттеумен кім айналысатындығы және осы жұмыс қандай мерзімде атқарылатындығы туралы хабардар етуі тиіс болатын. Содан кейін ғана сатып алушының келісімімен сатып алуды рәсімдеп немесе жұмысын реттеу үшін телефонды қабылдау керек еді.

Дайындаған Тамара СУХОМЛИНОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1738 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4 5