​АҚШ Иранға соққы жасады

Президент Дональд Трамп Ормуз бұғазында американдық Apache тікұшағының атып түсірілгенін мәлімдегеннен кейін, АҚШ әскері жауап ретінде Иранның әуе қорғаныс жүйелеріне, басқару пункттеріне және радиолокациялық станцияларына шабуыл жасады, деп хабарлайды BBC News Русская служба.

CENTCOM операцияны «Иранның негізсіз агрессиясына тең жауап» деп атады. Үш сағатқа созылған соққылардан кейін миссия аяқталғаны хабарланды.

Трамп Truth Social желісінде тікұшақ патруль кезінде атып түсірілгенін, бірақ екі ұшқыштың аман қалғанын жазды. Ол ABC News арнасына берген сұхбатында АҚШ‑тың жауап соққылары «өте күшті» болатынын ескертті.

Иранның Ислам революциясы сақшылары корпусы өз кезегінде аймақтағы америкалық әскери базаларға шабуыл жасағанын жариялады. Осылайша Ормуз бұғазындағы жағдай қайта шиеленісіп, Вашингтон мен Тегеран арасындағы текетірес күшейді.