В Атырау -10 
Атырау облысында құтқарушылар далалық жерде батпаққа батып, шыға алмай қалған автокөліктен адамдарды құтқару операциясын жүргізді. Оқиға Жылыой ауданында орын алған, деп хабарлайды ТЖМ баспасөз қызметі.
Ембі елді мекенінен 20 шақырым жерде жеңіл автокөлік батпақты жерден өте алмай батып, қозғала алмай тұрып қалғаны туралы хабарлама түсті.
Оқиға орнына жеткен ТЖМ қызметкерлері жедел түрде бес адамды қауіпсіз жерге шығарып алды. Құтқарылғандардың барлығы аман-есен Құлсары қаласына жеткізілді. Ешкімге медициналық көмек қажет болмады — жолаушылар тек қорыққандары болмаса, денсаулығына зақым келмеген.
«Күннің күрт жылынуы мен қардың тез еруіне байланысты дала жолдары мен жолдың жиектері өте қауіпті әрі жүруге қиын болып тұр. Жүргізушілерден бағыттарын алдын ала жоспарлауды және әсіресе далалық жерлердегі күмәнді жол учаскелерінен сақ болуды сұраймыз», — деп ескертті ведомство өкілдері.
Құтқарушылар көлік иелерін ауа райы жағдайын ескеруге және аса қажеттілік болмаса, ауыл аралық жолдарға шықпауға шақырады. Себебі көктемгі лайсаң тіпті қысқа сапардың өзінде қауіпті жағдайға әкеп соғуы мүмкін.