В Атырау +4 
Атырауда полицейлер заң бұзушылықтардың алдын алу және азаматтардың қауіпсіздігін қамтамасыз ету мақсатында мал базарларында ауқымды тексеріс жүргізуді бастады, - деп хабарлайды Polisia.kz.
Рейд барысында жануарларға арналған құжаттардың болуы, санитарлық нормалардың сақталуы, сауда ережелері мен малды ұстау шарттары бақылануда. Басты мақсаты — мал ұрлығының алдын алу, тұтынушылар құқығын қорғау және ауыл шаруашылығы өнімдерінің заңсыз айналымына тосқауыл қою.
Жыл басынан бері полицейлер мал мен ет өнімдерін тасымалдау және өткізу қағидаларын бұзған 150-ден астам тұлғаны жауапқа тартқан. Ал мал жаю қағидаларын бұзғаны үшін 411 мал иесі әкімшілік жауапкершілікке тартылған.
Айта кетейік, республика көлемінде 17-19 қараша аралығында мал ұрлығының жолын кесу, қылмысқа қатысы бар тұлғаларды анықтап, ұстау және жауапкершілікке тарту бағытындағы "Мал ұрысы" жедел-профилактикалық іс-шарасы өткізілуде.