В Атырау +4 
Атырау облыстық перинаталдық орталығын басқаруға көп жылдық тәжірибесімен, өз ісіне адалдығымен танылған білікті маман – Айдарханова Меруерт Сапарғалиевна тағайындалды.
Меруерт Айдарханова – өңірдің ана мен бала денсаулығын қорғау ісінде үлкен еңбегімен, жоғары кәсібилігімен ерекшеленетін медициналық қауымдастықтағы абыройлы тұлғалардың бірі.
Білімі мен кәсіби дамуы:
- • 2009 жылы Алматы қаласындағы С.Д. Асфендияров атындағы Қазақ ұлттық медицина университетін «Жалпы медицина» мамандығы бойынша үздік тәмамдады.
- • 2023 жылы Әл-Фараби атындағы Қазақ ұлттық университетінде «Деловое администрирование в здравоохранении (ЕМВА)» бағдарламасы бойынша магистратураны аяқтап, басқару саласында да жоғары біліктілікке ие болды.
Еңбек жолы:
- Кәсіби қызметін 2010 жылы Ақтау қалалық перзентханасында акушер-гинеколог дәрігер ретінде бастады.
- 2011–2019 жылдары Атырау облыстық перинаталдық орталығында акушер-гинеколог, кейін Жүкті әйелдер патологиясы бөлімшесінің меңгерушісі қызметтерін атқарды.
- 2019–2022 жылдары Атырау қалалық перзентханасының (АГРД) босану бөлімін басқарды.
- 2022–2025 жылдары Атырау облыстық перинаталдық орталығында медициналық қызмет жөніндегі директордың орынбасары қызметін атқарып, орталықтың дамуына, жаңа тәсілдер енгізуге және сапалы медициналық көмектің қолжетімділігін арттыруға айрықша үлес қосты.
Марапаттары:
- ҚР Денсаулық сақтау министрінің «Құрмет грамотасы»
- «Денсаулық сақтау ісінің үздігі» төсбелгісі
- Мемлекеттік марапат — «Ерен еңбегі үшін» медалі
Бүгінде 15 жылдық кәсіби тәжірибесі бар Меруерт Сапарғалиевна – өңірлік перинаталдық қызметтің сапасын арттыруға, ана мен бала денсаулығын қорғауға бағытталған стратегиялық бастамалардың жетекшісі болуға дайын, басқарушылық қабілеті қалыптасқан, заманауи көзқарастағы басшы.
12 қараша, 16:05