Атырауда ұстаздар «Еңбек ардагері» медалімен марапатталды

Ұстаздар күніне орай Атырау облысында ардагер ұстаздар құрметке бөленді. Облыс әкімінің орынбасары Дарын Шамұратов ұстаздарды құттықтап, марапаттарын табыстады, деп хабарлайды Өңірлік коммуникациялар қызметі.

Марапатқа іліккендер арасында:

• ҚР Оқу-ағарту министрлігінің «Еңбек ардагері» медалімен – 10 педагог,
• ҚР Ғылым және жоғары білім министрлігінің «Еңбек ардагері» медалімен – 1 педагог,
• Оқу-ағарту министрлігінің Алғыс хатымен – 1 ардагер ұстаз.

Жиынға облыстық Білім беру басқармасының басшысы Марат Әбуов пен сала ардагерлері қатысты.

Дарын Шамұратов сөзінде:

- Ұстаз – адам өміріндегі ең қадірлі тұлға. Сіздердің еңбектеріңіздің арқасында өскелең ұрпақтың болашағы қалыптасып, еліміздің іргетасы нығая түсуде. Барша ұстазға мықты денсаулық, жаңа табыстар мен шығармашылық жетістіктер тілеймін, – деді.