В Атырау +3 
Авангард-2 ықшамауданындағы 23А және 23Б үйлердің тұрғындары Атырау жылу электр орталығынан (АЖЭО) жылу және ыстық су құбырларының ауыстырылатыны туралы күтпеген хабарлама алды.
Хабарламада жылу беру жұмыстары жөндеу аяқталғаннан кейін басталатыны көрсетілген, бірақ мерзімі нақты емес – 2025 жылғы 15 қазаннан қараша айына дейін деп жазылған.
«Түсіністікпен қарағандарыңызға рахмет», – деп аяқталған бұл хабарлама тұрғындардың ашу-ызасын тудырды.
Әзірге пәтерлерде жылусыз шыдауға болады, тек дымқыл сезіледі. Бірақ қараша айында Атырауда ауа температурасы нөлден төмен түскенде, әлдеқайда қиынға соғады.
«Бізді мазақ ете ме? Үйде кішкентай балалар, қарттарымыз бар... Түнде үйдің іші салқын болады. Тіпті нақты қашан қосатынын да айтпайды», – деп жазуда тұрғындар чаттарда.
Ереже бойынша, үйлерді қыстық маусымға дайындау 1 қазанға дейін аяқталуы тиіс. Мерзімді кейінге шегеру кезінде уақытша жылудың болмауы санитарлық нормаларды бұзуы мүмкін. Қазіргі уақытта бұл жағдайға қатысты АЖЭО да, әкімдік те ресми түсініктеме берген жоқ. Ал қаланың басқа аудандарында батареяларға жылу берілген.
Анастасия ШЕРСТЯНКИНА