В Атырау +3 
Атырауда жергілікті блогер Құралай Болатова өзін ұрлап кетіп, ұрып-соққанын мәлімдеген еді. Бұл істі тергеу жалғасып жатыр.
Полиция департаментінің хабарлауынша, оқиғаға қатысы бар қыздардың бірі ұсталып, уақытша ұстау изоляторына қамалған. Ал екінші қыз, алдын ала мәліметтер бойынша, қаладан тыс жерде екен.
Сотқа дейінгі тергеу Қылмыстық кодекстің 125-бабы («Адам ұрлау») және 108-бабы («Денсаулыққа орташа ауырлықта зиян келтіру») бойынша жүргізілуде.
Бұған дейін Құралай таныстарының алдап қалалық зиратқа апарғанын, ол жерде ұрып-соғып, қорлағанын айтқан еді. Оның сөзінше, жанжал әлеуметтік желіде Стамбулға тур жарнамасын жариялағаннан кейін басталған, ол үшін 100 мың теңге алдын ала төлем жасаған, бірақ сапар жүзеге аспаған.
Оқиғадан кейін зардап шегуші полицияға жүгінген. Тергеу барысы департамент басшылығының бақылауында.
Қоғамдық резонансқа байланысты Атырау қаласының прокуратурасы күдіктілер мен ведомство қызметкерлері арасындағы туыстық байланыс жайлы ақпаратты жоққа шығарды.
Ресми хабарламада қылмыстық іске қатысушылардың ешқайсысы прокуратура қызметкерлерімен туыс емес екені атап көрсетілген.
Анастасия ШЕРСТЯНКИНА