Атырауда Тайманов – Берғалиев көшелерінің қиылысы қайта ашылды

Атырауда Тайманов даңғылы мен Берғалиев көшесінің қиылысы толық жаңғыртылғаннан кейін көлік қозғалысына қайта ашылды.

Бұған дейін бұл жерде айналма жол болатын, соның салдарынан көлік ағымы баяулап, жиі кептелістер болатын.

Жаңғырту барысында қиылыста жолақтар кеңейтіліп, оңға бұрылу үшін қосымша жолдар жасалды және бағдаршамдар орнатылды. Бұл шешім көліктердің өткізу қабілетін арттырып, қозғалысты анағұрлым қауіпсіз әрі ыңғайлы етпек.

Жақын күндері жаңарған қиылыста абаттандыру жұмыстары жүргізіледі.