В Атырау +4 
Парижде Франсуа Байру үкіметі Ұлттық Ассамблеяда сенім дауысын ала алмай, отставкаға кеткен соң, 9 қыркүйекте Себастьен Лекорну премьер-министр болып тағайындалып, жаңа үкімет құрды, деп хабарлайды АА.
Елисей сарайының бас хатшысы Эммануэль Мулен хабарлағандай, Лекорну, президент Эммануэль Макрон басқаратын «Ренессанс» партиясынан тағайындалған, шамамен 3,5 апта бойы саяси партиялармен келіссөз жүргізіп, жаңа кабинетті жасақтады.
Жаңа үкіметтегі кейбір министрлер: Ролан Лескюр – экономика және қаржы министрі, Эрик Вёрс – тұрғын үй құрылыс министрі, Наима Муччу – мемлекеттік қызмет, жасанды интеллект және цифрлық технологиялар министрі, Марина Феррари – спорт және жастар министрі.
Бұрынғы министрлер өз орындарында қалды: ішкі істер – Бруно Ретайло, әділет – Жерар Дарманин, білім – Элизабет Борн, сыртқы істер – Жан-Ноэль Барро, мәдениет – Рашида Дати, денсаулық сақтау – Катрин Вотрен, ауыл шаруашылығы – Анни Женвеар, Францияның шетелдік аумақтары – Мануэль Вальс, экология, биоалуантүрлілік, ормандар, теңіз және балық шаруашылығы – Агнес Паннье-Рунашер, көлік – Филипп Табаро, мемлекеттік қаржы – Амели де Моншален.
Бұрынғы экономика және қаржы министрі Бруно Ле Мэр қорғаныс министрі болды. Аврора Берже – әйелдер мен ерлер теңдігі министрі және үкіметтік спикер, Матье Лефевр – парламентпен байланыс министрі болып бекітілді. Президент Макрон 6 қазан сағат 16:00-де Элизе сарайында жаңа министрлер кабинеті отырысын өткізеді. Қалған министрлердің есімдері кейін жарияланады, ал премьер-министр алдағы аптада парламентке бағдарламалық баяндамасын жасайды.