В Атырау +4 
Атырау облысында 41 жастағы Қызылорда облысының тұрғыны синтетикалық есірткі таратуға қатысы бар деген күдікпен ұсталды. Бұл туралы Polisia.kz хабарлайды.
Атырау облысы полиция департаментінің есірткі қылмысына қарсы іс-қимыл басқармасы "Қарасора-2025" және "Учаске" жедел-профилактикалық шаралары аясында тексеру жүргізді. Тексеру кезінде күдіктіден жалпы салмағы 312 грамм болатын мефедрон синтетикалық есірткі тәркіленді.
Қазіргі уақытта күдікті ҚР Қылмыстық-процестік кодексінің 128-бабына сәйкес қамауға алынған. Осы дерек бойынша ҚР Қылмыстық кодексінің 297-бабының 3-бөлігіне сәйкес сотқа дейінгі тергеп-тексеру жүріп жатыр.
Ескерту: ҚР ҚПК-нің 201-бабына сәйкес қосымша мәліметтер жарияланбайды. Сонымен қатар, Қазақстан Республикасының Конституциясының 77-бабы және ҚПК-нің 19-бабына сәйкес адамның кінәсі тек сот үкімімен расталған жағдайда ғана анықталады.