В Атырау +4 
Филиппиннің Паломпон өңірінің батыс жағалауында болған күшті, магнитудасы 6,9 балдық жер сілкінісінен қаза тапқандар саны 61 адамға жетті. Бұл туралы АА The Philippine Daily Inquirer-ге сілтеме жасап хабарлады.
АҚШ Геологиялық қызметінің (USGS) дерегінше, жер сілкінісі дүйсенбі күні жергілікті уақытпен сағат 21:59-да Паломпонның батыс жағалауында, Себу провинциясының маңында тіркелген.
Филиппин президенті Фердинанд Маркос-младший халыққа үндеу жасап, қырағылық танытып, жергілікті билікпен бірлесіп әрекет етуге шақырды. «Жақындарынан айырылған отбасыларға көңіл айтамын. Бұл апаттан зардап шеккендердің бәріне дұғамды арнаймын», – деді Маркос.
Жағдайды Маниладан шамамен 70 км оңтүстікте орналасқан Тааль жанартауының атқылауы қиындатып жіберді.
Филиппиннің вулканология және сейсмология институтының (Phivolcs) дерегінше, атқылау салдарынан күл мен түтін бағаны 2,5 км биіктікке көтеріліп, солтүстік-батыс бағытқа таралған.
Филиппин Қызыл Крестінің басшысы Ричард Гордонның айтуынша, жер сілкінісі бірнеше шіркеудің ішінара қирауына себеп болып, бірқатар мектеп эвакуацияланды.
Филиппин «Тынық мұхиттың отты белдеуінде» орналасқан, бұл әлемдегі ең сейсмикалық белсенді аймақтардың бірі саналады. Мұнда жер сілкіністері мен жанартаулардың атқылауы жиі орын алып тұрады.