Оңтүстік Корея: Солтүстік Корея АҚШ-қа соққы жасауға қабілетті

Оңтүстік Кореяның біріктіру мәселелері жөніндегі министрі Чон Дон Ён Солтүстік Корея АҚШ негізгі территориясына соққы жасай алатынын мәлімдеді. Бұл туралы АА The Korea Times-қа сілтеме жасап хабарлайды.

«Солтүстік Корея АҚШ негізгі территориясына соққы жасай алатын үш елдің бірі болып табылады. Мұны мойындап, осыған рационалды қарау қажет», – деді министр Германияға сапары кезінде.

Сонымен қатар, министр Солтүстік Корея тек Оңтүстік Кореямен ынтымақтастық арқасында экономикалық реформалар мен «елді ашу» саясатын жүзеге асыра алатынын атап өтті.

АҚШ Президенті Дональд Трамп пен Солтүстік Корея көшбасшысы Ким Чен Ынның саммит мүмкіндігі туралы сөз етіп, екі ел басшылары кездесуге өзара қызығушылық танытқанын айтты.