В Атырау -7 
Атырау облысы полиция департаментінің Есірткі қылмысына қарсы іс-қимыл басқармасы өңірлік профилактика кеңесімен бірлесе отырып, Атыраудағы Жастар саябағында ерекше әлеуметтік тәжірибе ұйымдастырды.
Полицейлер арнайы жуылатын бояумен есірткі жарнамасына ұқсас жалған жазбалар қалдырып, тұрғындардың реакциясын бақылады.
Эксперименттің негізгі мақсаты – адамдарды күдікті жағдайға бей-жай қарамауға үйрету және құқық қорғау органдарына хабарлау мәдениетін қалыптастыру. Тәжірибе көрсеткендей, жазуларға назар аударған тұрғындар мән-жайды сұрап, жақындағанымен, полицияға хабарламапты және әлеуметтік желілерде жарияламаған. Бұл тұрғындардың қырағылығын көрсетсе де, заңды арнаға бағыттау тәжірибесінің жеткіліксіз екенін көрсетті.
Жыл басынан бері Атырау облысы полициясы 75-тен астам граффити жазуларын жойып, 800-ге жуық интернет-ресурсты бұғаттаған. Алдағы уақытта осындай тәжірибелер тұрақты түрде өткізіліп, тұрғындардың хабар беру белсенділігін арттыруға бағытталмақ. Эксперименттен кейін саябақтағы барлық жазулар толық өшіріліп, аумақ бастапқы қалпына келтірілді.