Новороссийскідегі Каспий құбыр консорциумының кеңсесі дрон шабуылынан зақымданды

Бүгін Новороссийск қаласының орталығында күндізгі уақытта ұшқышсыз аппараттармен жаппай шабуыл жасалды.

Шабуыл салдарынан тұрғын үйлер, қонақүй және «КТК-Р» АҚ кеңсесі зақымданды. Компанияның екі қызметкері жарақат алып, ауруханаға жеткізілді. Әкімшілік кеңсенің жұмысы уақытша тоқтатылып, барлық қызметкерлер эвакуацияланды.

Компания дерегінше, кеңсе орналасқан ғимаратта ұйым қызметкерлерінен бөлек, бейбіт тұрғындар да зардап шеккен.