Атырауда​ салынып жатқан тұрғын үйдің бір қабатын бұзу талап етілді

Нұрсаядағы жаңа тұрғын үй кешенінде құрылыс салушы өз бетінше 10-шы қабатты қосып, қосымша құрылыс салып алған.

Бұл  кемшілікті Мемлекеттік-сәулет құрылыс бақылауы басқармасы тіркеді, енді іс сотқа жетті.

Атырау облысының Мемлекеттік-сәулет құрылыс бақылауы басқармасы қалалық Жер қатынастары, сәулет және қала құрылысы бөлімінің өтініші бойынша жоспардан тыс тексеру жүргізді. Бұл Нұрсая ықшамауданы, Сұлтанахмет Қожықов өткелі, 9А мекенжайында салынып жатқан тұрғын үй кешеніне қатысты. Нысанның құрылыс салушысы "SolarA.kz" ЖШС.

Инспекторлар құрылыс компаниясының тағы бір қабатын қосып, қосымша құрылысты рұқсат құжаттарынсыз салғанын анықтады. Бұған дейін құрылыс салушы әкімшілік жауапкершілікке тартылып, басшыларына бұзушылықтарды жою туралы ұйғарым берілген болатын. Алайда талап орындалмады.

Нәтижесінде Мемлекеттік-сәулет құрылыс бақылауы басқармасы өз бетінше салынған құрылысты бұзу туралы талап арызбен сотқа жүгінді.

Анастасия ШЕРСТЯНКИНА