В Атырау +2 
Су ресурстары және ирригация министрлігінің бастамасымен облыс әкімдіктері коммуналдық гидротехникалық нысандарды арнайы пайдалану ұйымдарының балансына беру жөнінде «жол карталарын» бекітті.
Жоспар бойынша:
* 2025 жылдың соңына дейін – 120 нысан,
* 2026 жылы – 245 нысан,
* 2027 жылы – тағы 465 нысан қабылданады.
Сонымен бірге 1 937-ге жуық нысан коммуналдық меншіктен республикалық меншікке өтеді.
Қазірдің өзінде өңірлерде 16 арнайы ұйым құрылды (оның 10-ы 2024–2025 жылдары ашылған). Олардың балансына 872 нысан берілді, 283 техника бөлінді, 1 197 адам жұмыспен қамтылды. Оның ішінде 310 адам биыл еңбекке тартылды.
Вице-министр Ерболат Ибрайхановтың айтуынша, жаңа ұйымдардың басты міндеті – гидросәулет нысандарын қауіпсіз пайдалану, уақтылы жөндеу жүргізу және олардың дұрыс күйде болуын қамтамасыз ету.