Атырау әуежайында шетелдік туристерге QR-коды бар карталар таратылды

Қазақстанда шетелдік туристердің қауіпсіздігін қамтамасыз ету үшін QR-коды бар туристік карталар таратылады. Олар шекара бекеттерінде, әуежайларда, вокзалдарда және ХҚКО-ларда беріледі.

Атырауда полиция қызметкерлері көші-қон басқармасымен бірлесіп, шетел азаматтарына құқықтық кеңес беріп, қаланың мәдени және тарихи орындары туралы ақпарат ұсынды.

QR-карта арқылы туристерге қолжетімді ақпараттар:

• “102” мобильді қосымшасы және SOS батырмасы;

• Көші-қон талаптары;

• Такси қызметтері мен бағалары;

• SIM-карталар және байланыс операторлары;

• Мәдени және тарихи орындардың мекен-жайы.

Жаңа жүйе туристердің қауіпсіздігін арттырып, Қазақстандағы туризмді дамытуға және елдің халықаралық имиджін нығайтуға септігін тигізеді.