В Атырау +4 
Солтүстік Газа секторында шамамен бір миллион адам Израиль соңғы апталарда шабуылдарын күшейткеніне қарамастан, мәжбүрлі көшуден бас тартып отыр. Бұл туралы АА палестиндік үкіметтің медиа-офисіне сілтеме жасап хабарлады.
Хабарламада Израиль Газа қаласы мен солтүстік аудандардың тұрғындарын аймақты басып алу мақсатында мәжбүрлеп көшіруге тырысатыны айтылған.
«Газа мен аймақтың оңтүстігіндегі миллионнан астам палестиналық тұрғын Израильдің заңсыз әрекеттеріне және күшпен көшіріп, халықты қорқытқанына қарамастанөз үйлерінен кетуден бас тартып отыр. Ал мәжбүрлі көшкендердің саны шамамен 190 мың адам болды», — делінген хабарламада.
Үкімет дерегіне қарағанда, Газа мен солтүстік аудандарда бұрын 1,3 миллионнан астам адам тұрған. Солтүстік Газада шамамен 398 мың тұрғын бар, олардың басым бөлігі батыс аудандарға көшірілген.
Газа қаласында 914 мыңнан астам адам тұрып, олардың 350 мыңы шығыс кварталдарынан орталыққа және батысқа көшкен.
Соңғы күндері мәжбүрлі көші-қон көбейген. Авиациялық соққылардан кейін шамамен 190 мың адам үйлерін тастап кеткен. Дегенмен, 15 мыңнан астам адам қайтадан өз аудандарына оралған.
Аль-Маваси ауданы (Хан-Юнус маңында) және Рафах қаласы, қазіргі уақытта шамамен 800 мың адам тұратын және Израиль «қауіпсіз» деп жариялаған жерлер, 109-дан астам авиациялық соққыға ұшыраған. Аль-Мавасидағы шабуылдардан 2 мыңнан астам адам қаза тапқан.
Хабарламада бұл аудандарда аурухана, су, азық-түлік, тұрғын үй, электр және мектептер жоқ екені айтылған, бұл тұрғындардың өмірін өте қиындатады.
«Израиль “паналаушы орындар” деп белгілеген аймақтар Газа секторындағы жердің 12%-дан азын ғана құрайды, бірақ оккупациялық күштер 1,7 миллион адамды осы жерге жинауға тырысуда. Бұл – Солтүстік Газаны және Газа қаласын тұрғындардан тазартуға бағытталған мәжбүрлі көшіру саясаты», — деп қорытындылады үкімет.