В Атырау -7 
Бұл туралы Ішкі істер вице-министрі Игорь Лепеха мәлімдеді.
Бүгінгі үкімет отырысында жол қозғалысының қауіпсіздігін және жаяу жүргіншілерді қорғау мәселесі қаралды. ҚР ІІМ дерегінше, 2025 жылдың алғашқы 8 айында 22 501 жол-көлік апаты тіркелген. Сол апаттарда 1 446 адам қайтыс болып, 30 929 адам жарақат алған.
Вице-министр полицияның осы бағыттағы күш-жігері жеткіліксіз екенін мойындап, жауапкершіліктің бір бөлігін әкімдіктерге аударды. Лепеха атап өткен 12 өңірдің ішінде «өлімге әкелетін» апаттар бойынша көшбасшылар: Алматы облысы (235), Түркістан облысы (194) және Жамбыл облысы (140). Атырау облысында осы кезеңде 59 өліммен аяқталған жол-көлік оқиғасы болған.
Вице-министр жол қауіпсіздігі саласындағы негізгі проблемаларды атап өтті:
Патрульдік және қызметтік автокөліктің жетіспеушілігі;
Жүргізушілерді даярлаудың сапасы;
Жол инфрақұрылымының жағдайы;
Көліктің техникалық жағдайы.