В Атырау +2 
«Ақ Жайық» редакциясының мәліметінше, Атыраудағы уақытша ұстау изоляторлары толып, орын жетіспей жатыр. Бұл тек қалалық полиция бөлімінде ғана емес, облыстық департаментте де байқалады.
Ұсталғандарды аудандарға және кейде учаскелік пункттерге бөліп орналастыруға тура келуде. Жалпы саны 50 шақты адамға жақындаған. Кейбірі іс бойынша басқа жаққа шықпау туралы қолхатпен өтіп жатыр.
Бүгін сот ұстауларға қатысты шешім қабылдай бастайды. Әрбір ұсталғанға тергеу изоляторына немесе үйқамаққа алу шарасы белгіленеді. Егер қорғау өтінішінің бір бөлігі қабылданса, изоляторлардағы камералар аздап босайды, бірақ бұл ұзаққа бармайды.
Экономикалық тергеу департаментінің аумағында да жағдай мәз емес: автотұрақ қылмыстық іс шеңберінде тәркіленген көліктерге толған. Атырауда тек камералар ғана емес, автотұрақ орындары да жетіспейді.
Адвокаттар процестік құқық бұзушылықтарды айтып отыр – оларды тергеуге кіргізбей, хаттамаларды қате толтырып отыр. Заңгерлердің айтуынша, мұндай олқылықтар тергеуге нұқсан келтіріп, дәлелдер базасына әсер етуі мүмкін.
Тергеу әлі жүріп жатыр, бірақ бір нәрсе анық: «стоматология ісі» жүйеге шектеу қойды.
Айгүл МАНСУРОВА