Атырауда аумақтық қорғанысқа арналған ауқымды оқу-жаттығулар басталды

Атырау облысындағы 41433 әскери бөлімі полигоны «Қарабатан» аумағында аумақтық қорғаныс бригадасының он күндік оқу-жаттығулары өтіп жатыр.

Оқыту шараларына шамамен 100 офицер, сержант және сарбаз қатысуда. Бағдарламаға шеру, тактикалық және инженерлік дайындық, қарумен жұмыс істеу және ату бойынша практикалық жаттығулар кіреді.

Жаттығулардың басты мақсаты – әскери борышкерлердің кәсіби дағдыларын жаңарту, аумақтық қорғаныс тапсырмаларын орындауға дайындықтарын арттыру және төтенше жағдайлар кезінде әрекет ету алгоритмдерін пысықтау.